Fenerbahçe eliminohet nga Europa, Mourinho shpërthen kundër UEFA-s dhe arbitrave
Fenerbahçes e José Mourinhos iu afrua mrekullisë në Europa League, por i mungoi një gol që të bëjë përmbysjen e madhe. Turqit fituan 2-0 kohën e rregullt në transfertë përballë Rangers dhe më pas u eliminuan me penallti, por pas ndeshjes trajneri portugez iu rikthye sërish vendimeve të arbitrimit, duke kujtuar finalen e Europa League të luajtur në Budapest (2023), që Roma e tij humbi pas penalltive:
“Nuk mund të them se çfarë po kaloj sepse nuk dua të ndëshkohem nga UEFA. Shpresoj që ajo që na ndodhi në Evropë këtë vit të mos jetë rezultat i finales së luajtur në Budapest….
Shpresoj të jenë gjëra të zakonshme, që të mos kenë lidhje me këtë. Ndeshja kundër United, penalltitë, këto që ndodhën sot. Arbitri i VAR-it është një nga më të mirët në botë dhe nuk pa tre penallti. Shpresoj që të jetë vetëm fat i keq”, ka thënë mes të tjerash portugezi.
