Fermeri që kultivon rukola/ Fermeri e tregton prodhimin në disa qytete por edhe në Kosovë e Mal të Zi

Prej më shumë se dhjetë vitesh fermeri Hilmi Zeneli merret me kultivimin e rukolës.
Në lagjen Bahçallëk të Shkodrës, aty ku ka edhe pronën e tij, Hilmiu ka ngritur edhe serrat e tij në një sipërfaqe rreth 2 dynym. Jo vetëm prodhime cilësore bio, me pleh organik, ai tregton prodhimin e tij në disa qytete të vendit por edhe në Kosovë e Mal të Zi. Fermeri tregon se prodhimi i këtij viti ka qenë i mirë gjithashtu edhe tregtimi por ai thekson se problem mbetet sigurimi i punëtorëve. Kjo fermë familjare, e cila përveç rukolës, prodhon edhe majdanoz, mente dhe domate.
Hilmiu shprehet se edhe me domaten pomodorini ka pasur prodhim të mirë. Fermeri kërkon që të ketë mbështetje më të madhe nga shteti pasi sipas tij nuk ka përfituar asnjë subvencion gjithashtu nuk është dëmshpërblyer asnjëherë nga përmbytjet e viteve të shkuara që perfshinë këtë zonë.