Festa e Shën Kollit në Lezhë, pjesë e ritualit dhe nunci Apostolik Imzot Luigi Bonazzi
Besimtarët e krishterë në Lezhë kremtuan festen e “Shën Kollit”, pajtorit të kësaj dioqeze. Proçesioni fetar nisi nga katedralja e vjetër e “Shën Kollit”, që sot ndodhet memoriali i Gjergj Kastriotit.
Pasi u luten aty, besimtaret të udhëhequr nga përfaqësuesit e klerit katolik shtegtuan drejt katedrales së re të qytetit ku u mbajt dhe mesha e shenjtë, e cila u drejtua nga nunci apostolik në Shqipëri, Imzot Luigi Bonazzi.
Ipeshkvi i diaqozes së Lezhës, Otavio Vitale thotë se “Shën Kolli” është shenjti që gëzon me dhurata fëmijët dhe ndihmon personat në nevojë.
Në të njëjtën linjë ishte dhe nunci apostolik në Shqipëri, Imzot Luigi Bonazzi, i cili duke ju referuar “Shën Kollit” tha se të gjithë kemi nevojë të marrim ato dhurata për të jetuar mirë jetën e krishtere dhe njerëzore.
“Është herë e parë që unë kremtoi festen e Shën kollit këtu. Prandaj besoj se të gjithë jemi këtu me idenë që do ta marrim diçka. Ne dimë që Shën Nikolla bën dhurata shumë të bukura dhe të gjithë ne kemi nevojë për ndonjë dhuratë të posaçme dhe të veçantë. Ndoshta nuk e dimë saktësisht se çarë duam, por ndaj marrim pjesë në këtë ritual fetar me atë vetëdije se secili prej nesh do të marrë atë që i nevojitet, pra të marrë ato dhurata që i duhen për të jetuar mire jetën e vet të krishterë dhe njerëzore“, tha Imzot Luigi Bonazzi.
Kjo festë kremtohet nga besimtaret katolikë çdo pesë dhjetor në mbrëmje ku me këtë rast është traditë të flijohet një gjel dhe të ndizet qiriu i Shën Kollit.
