Festa e Shën Kollit – Shkodranët dynden drejt tregjeve për të blerë gjelin tradicional
Diten e enjte, më 5 dhjetor, besimtarët e krishterë kremtojnë festën e Shën Kollit. Kjo është një festë, ku familja bashkohet rreth tryezës, e cila është e mbushur me ushqime të ndryshme, por kryesori është gjeli.
Edhe këtë vit, shkodranët janë dyndur drejt tregjeve për t’i blerë ato.
Ka nga ata pensionistë që i janë gëzuar bonusit të fundvitit, i cili i ka shërbyer për të blerë ushqimet tradicionale dhe gjelin për festën e Shënkollit.
Çmimet variojnë nga 1 mijë lekë deri në 1500 lekë kilogrami peshë e gjallë.
Festa e Shënkollit është një ndër traditat më të lashta të shkodranëve që e festojnë vit pas viti. Kjo festë ka edhe veçorinë e saj, pasi edhe pse është festë e krishterë festohet edhe nga myslimanët e Shkodrës.
Tradita e kërkon që të bëhet kurban diçka në shenjë nderimi për Shën Kollin. Kjo është një festë ku familja bashkohet rreth tryezës, e cila është e mbushur plot, ku kryesorja është gjeli.
