Festa e Zojës së Këshillit të Mirë, Bonazzi: Lutemi për familjen që të jetojë në besim

Në festën kushtuar Zojës së Këshillit të Mirë, Dom Artur Jaku dha lajmin e mirë se Papa Francesku ka pranuar kërkesën e Arqipeshkëvit Mons. Angelo Massafra, për t’i dhënë shenjtores së qytetit të Shkodrës titullin e “Bazilikës minore”. Në meshën solemne morën pjesë të gjithë ipeshkvinjtë si dhe Nunci apostolik në Shqipëri, Imzot Luigi Bonazzi. Në fjalën e tij përpara besimtarëve, Arqipeshkëvi Angelo Massafra u ndal tek të jetuarit si i krishterë dhe rëndesia e përhapjes së besimit edhe tek të tjerët.

Në fjalën e tij përshendetëse Nunci Apostolik e vuri theksin tek familja dhe transmetimi i vlerave. Në të njejtën linjë ishte edhe ipeshkëvi  i dioqezës së Rreshenit, Imzot Gjergj Meta i cili tha se sot nëna e mishit dhe gjakut po zëvendesohet nga nëna surrogate.

Në Shkodër, që prej kohëve të lashta nderohej me përkushtim të veçantë Zoja e Këshillit të Mirë, e njohur si Zoja e Shkodrës.