Festat shtojnë lëvizjet në Muriqan – Mbi 10 mijë persona kanë hyrë në 48 orët e fundit
Festat e fundvitit, shoqëruar me ditët e pushimit, kanë rritur lëvizjet në Pikën e Kalimit Kufitar të Muriqanit.
Sot vihet re se, fluksi më i lartë ishte në hyrje të territorit shqiptar, pasi kryesisht emigrantët janë ata që kanë preferuar të kalojnë festat në vendin e tyre.
Sipas të dhënave të autoriteteve doganore, gjatë 48 orëve të fundit kanë hyrë dhe dalë nga kjo pikë doganore 14,600 persona, ku 10,200 kanë hyrë në Shqipëri dhe 4,400 kanë dalë nga territori ynë.
Aktualisht, po punohet me pesë sportele, dy për hyrje dhe tre për dalje. Ndërkohë, pritet që në ditët në vazhdim fluksi i lëvizjeve të shtohet në këtë pikë kalimi.
