Edhe disa ditë na ndajnë nga ngjarja më e rëndësishme muzikore në vend, teksa në datat 19-22 dhjetor do të mbahet Festivali i 62-të i Këngës. Në Pallatin e Kongreseve kanë nisur tashmë provat, ndërsa prezantuesja Krisa Çaushi ka ndarë detaje nga organizimi në “Jetë Shqiptare”.
“Kemi filluar me provat intensive, për pak ditë jemi gati. Orkestra ka mbaruar me provat gjenerale, tani kanë filluar edhe këngëtarët, po punohet edhe mezi po presim netët e Festivalit pasi do jenë super”, u shpreh Çaushi.
Krisa Çaushi, moderatorja e emisionit “Stacioni Rozë” në RTSH, u konfirmua zyrtarisht si prezantuesja e katërt e Festivalit më 30 nëntor, ftesë për të cilën thotë se nuk e priste.
“Ftesën nuk e prisja të them të drejtë. Jam emocionuar pafund. Ndihem gati dhe është një privilegj dhe kënaqësi shumë e madhe që të prezantoj për herë të parë dhe në fillimet e karrierës sime Festivalin e Këngës. Lajmin e para e ka marrë vesh regjisorja ime, Sara Jaupaj dhe më pas familja ime”, tha prezantuesja.
Çaushi theksoi se Festivali i këtij viti do të vijë krejtësisht ndryshe, e po ashtu do të jetë edhe pamja e prezantuesve.
“Festivali i Këngës këtë vit do të vijë krejtësisht ndryshe, dhe gjithashtu edhe pamja jonë do të jetë krejtësisht ndryshe. Do të jetë diçka jashtë xixave të shumta, gurëve, do jetë diçka që është për të rinjtë”, deklaroi ajo.
Çaushi do të prezantojë Festivalin e Këngës në krah të Adriana Matoshit, Kledi Kadiut dhe Xhuliano Dules.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.