Feston 80-vjetorin e lindjes, Berisha: Mbështetja e shqiptarëve, motivimi im i fuqishëm
Kreu i Partisë Demokratike, Sali Berisha ka zgjedhur që në 80-vjetorin e tij të lindjes të falënderoj të gjithë shqiptarët që e kanë mbështetur.
Berisha deklaroi se mbështetja e shqiptarëve, ka qenë frymëzimi më i madh dhe motivimi më i fuqishëm për të.
Berisha ka shprehur mirënjohjen e pakufijshme ndaj të gjithë mbështetësve të tij.
“Zgjodha si momentin më kryesor të ditëlindjes sime, 80-vjetorin, komunikimin me miqtë e mi në rrjetet sociale.
Udhëtimi në 8 dekada dhe ngjitja në majën më të bukur të jetës sime ngjall më shumë se çdo gjë tjetër, mirënjohjen e pakufishme ndaj qindra-mijëra e miliona shqiptarëve që gjatë gjithë këtyre viteve me mbështetjen e tyre kanë qenë frymëzim I pashtershëm për mua.
Vitet natyrshëm kanë peshën e tyre, por asgjë nuk I bën ato më të parëndësishme, më të lehta se sa motivimi I njeriut, frymëzimi I tij. Në këtë kuadër, dua t’iu siguroj se mbështetja juaj ka qenë frymëzimi më i madh për mua. Ka qenë, motivimi më i fuqishëm”, deklaroi Berisha.
