FIFA unifikon trofeun e Kupës së Botës
FIFA dëshiron që trofeu i Kupës së Botës të i njëjtë si për djemtë edhe për vajzat. Këtë propozim do ta bëjë në Kongresin e 74-të, i cili do të mbahet në Bangkok më 17 maj. Barazia e çmimeve është një tjetër qëllim i barazisë që varet nga të drejtat televizive.
FIFA dëshiron të propozojë në Kongresin e saj të Jashtëzakonshëm unifikimin e trofeve të marra nga ekipet kampione të Kupës së Botës në futboll për djem dhe vajza. Trofeu i ri që do të marrë ekipi kampion për djem në Botërorin e ardhshëm, që do të zhvillohet në vitin 2026 në SHBA, Meksikë dhe Kanada do të jetë i njëjtë me atë që do të marrë ekipi kampion për vajza, në përfundim të Botërorit që do të luajnë në 2027. Deri tani trofetë e ekipeve kampionë për djem dhe vajza janë të ndryshëm.
Ai që Messi ngriti në Katar-2022 është evolucioni i Kupës tradicionale Zhyl Rime, e cila u krijua në vitin 1930 dhe ishte në fuqi deri në vitin 1970. Formati aktual u prezantua në Kupën e Botës në Gjermani-74.
Ndërsa trofeu që ngriti Ivana Andrés në Botërorin për vajza që u zhvillua në Australi dhe Zelandën e Re vitin e kaluar është vepër e skulptorit libanez Saëaya, i cili krijoi versionin e tij të parë në vitin 1991. Ka dallime mes dy trofeve, të cilët FIFA kërkon t’i bashkojë.
Trofeu për djem vlen 250 mijë euro. Ndërsa trofeu për vajza vlen rreth 35 mijë euro. Edhe përfitimet financiare për momentin, nuk janë të njëjta. Ndaj edhe ky detaj do të jetë pjesë e diskutimeve në kongresin e FIFA-s, punimet e të cilit do të zhvillohen në Tajlandë, në 17 maj.
