Blendi Avdolli ka bërë Shqipërinë krenare duke fituar një medalje ari në Olimpiadën e Parë Ndërkombëtare të Inteligjencës Artificiale, e cila u mbajt si pjesë e Samitit Global të Inteligjencës Artificiale.
Në studion e RTSH24, Avdolli solli eksperiencën rreth këtij konkursi ndërsa tha se do e vijojë rrugëtimin me synimin për ta çuar Inteligjencën Artificiale në nivele të paimagjinueshme.
“Unë dua të vazhdoj e të fitoj të tjerë konkurse, të marr sa më shumë medalje, pastaj të vazhdoj shkollën e lartë e më pas të kontribuoj në kërkime për të përmirësuar Inteligjencën Artificiale për ta çuar atë në nivele të paimagjinueshme”, tha Avdolli.
Teksa vitin tjetër Olimpiada Ndërkombëtare e Inteligjencës Artificiale do të mbahet në Kinë, Avdolli miratoi pjesëmarrjen në këtë konkurs.
Mentorja e Blendit, Erida Cerro, teksa vlerësoi interesin e të rinjve në këtë fushë sugjeroi më shumë investime në infrastrukturë me qëllim përmirësimin e praktikës së funksionimit të Inteligjencës Artificiale.
“Shumë të rinj kanë pasion pjesën e teknologjisë dhe janë të gjithë kohën dukë kërkuar dhe na kontaktojnë për të marrë pjesë. Kemi krijuar licencë dhe kemi nisur të punojmë me të rinjtë, duke avancuar pjesën e inteligjencës dhe për të vijuar më tej. Vetë nxënësit kanë interes në fushën e informatikës dhe teknologjisë, por ajo që duhet bërë në vendin tonë janë më shumë investime në infrastrukturë që të kenë mundësi të kenë gjëra më të prekshme nga ana e praktikës, jo vetëm teorinë. Pra një mënyrë më fizike që të kuptojnë më mirë funksionimin e AI-së”, tha Cerro.
Partia Socialiste i bëri thirrje të mërkurën demokratëve që t'i kthehen "rrugës së arsyes e…
Shkolla speciale “3 Dhjetori” e mirëpriti vite më parë kur Megi donte të mbaronte praktikën…
Pas përfundimit të raundit të dytë në universitetin “Luigj Gurakuqi” janë regjistruar në ciklin e…
Kombëtarja shqiptare ka vijuar me përgatitjet për dy ndeshjet e tetorit ndaj Çekisë dhe Gjeorgjisë,…
Kampionati Kombëtar i futbollit, kategoria Abissnet Superiore është pushim këtë fundjavë për shkak të ndeshjeve…
Katër amerikanë janë bërë pjesë e ekipit të basketbollit të Vllaznisë për meshkuj. Ato janë:…
This website uses cookies.