Fitorja ndaj Feyeenord vlen 11 milionë euro

Kardinale i ka dhënë ultimatum Milanit. Skuadra e Konseisaos duhet të kalojë Fejënordin dhe të kualifikohet në fazën e 16-shes së Champions League. Padroni i Milanit kërkon paratë që vijnë nga kjo veprimtari, pasi çdo kualifikim siguron të ardhura të majme për arkat e klubit. Nëse Milani kalon play-off-in, në arkat e klubit kuqezi kalojnë plot 11 milionë euro.

Çështja e para për Milanin vazhdon të jetë shumë e rëndësishme. Duke u kualifikuar në 1/8 e Champions League, Milani do të kompensonte financiarisht, gabimin e bërë në ditën e fundit të fazës së grupeve kur u mund nga Dinamo e Zagrebit, duke dalë nga tetë të parët e kualifikuar direkt. E fitorja ndaj Fejënordit do t’i sillte klubit edhe 11 milionët që UEFA garanton për ata që kalojnë play-off-in.

Kjo shumë do t’i shtohej 61.3 milionëve që janë dhënë tashmë nga Nyon, për klubin e rrugës Aldo Rossi pas tetë ndeshjeve të para si tarifë e rrugëtimit të deritanishëm në Champions League. E megjithatë, përveç përfitimit financiar, për klubin është shumë e rëndësishme përmbysja e rezultatit në Holandë dhe rikthimi në raundin e 16-tëshes, pasi dështimit të këtij misioni në sezonin e kaluar.

Kuqezinjtë e kanë në ADN-në e tyre aventurën evropiane dhe kundër Feyenoord-it është koha për ta demonstruar këtë. Ndaj padroni Cardinale, i cili do ta shohë sfidën e së martës nga Shtetet e Bashkuara, ditët e fundit ka qenë në kontakt me Ibrahimovic dhe drejtuesit e tjerë. Ai shpreson për një tjetër gëzim në këtë 2025 që nisi me fitimin e superkupës së Italisë. E për të realizuar këtë ai jo më kot bëri shpenzime të mëdha gjatë merkatos së dimrit.

Tifozët me të drejtë mendojnë për kupat e fituara dhe ëndrra është të përditësojnë numrin e trofe të Champions League të fituara deri tani që janë 7. Ndaj ndeshja e së martës, kundër Fejënordit ka jo vetëm rëndësi prestigji, renditje në UEFA, por edhe arsye financiare. Bëhet fjalë për një merkato gjithnjë e më globale, Milan-Fejënord shkon përtej kalimit “të thjeshtë” në raundin tjetër.