Fluks në Morinë dhe gjatë javës – Bregdeti ynë më i preferuari për pushime nga qytetarët e Kosovës
Temperaturat e larta kanë bërë që edhe ditët e javës, në doganën e Morinit të kalojnë një numër i lartë udhëtarësh që shkojnë në bregdetin Shqiptar. Një ndër ta është Sabrina, shtetase gjermane e martuar në Kosovë.
“Vij nga Gjermania, jetoj në Shtutgart. Kam qenë dy javë vitin e kaluar në plazhin e Shëngjinit dhe më ka pëlqyer shumë. Sot kam marrë me vete edhe familjen e burrit për të shkuar përsëri. Shërbimi, plazhi janë gjërat që më pëlqejnë më shumë”, tha një turiste gjermane.
Ndërsa udhëtarët e tjerë prej vitesh nuk e ndërrojnë plazhin e Shqipërisë. Për të gjithë automjetet me targat e Shqipërisë dhe Kosovës aplikohet kalimi pa kontrolle duke mos krijuar radhë në sportele ndryshe nga makinat me targa të shteteve të huaja.
