Fluks në Muriqan/Kryesisht fluksi i lëvizjeve është në dalje

Gjatë fundjavës së shkuar po ashtu edhe këtë të hënë fluksi i lëvizjes ka qenë i lartë në pikën kufitare të Muriqanit.
Në 2 ditët e fundit janë larguar rreth 18 mijë qytetarë nga vendi, ndërkohë që kanë hyrë rreth 13 mijë persona.
Mësohet se nga kjo pikë kufitare janë larguar kryesisht shtetas nga Kosova dhe Shqipëria që kanë kaluar pushimet në vendin e tyre, por ka edhe nga ata që vijojnë të pushojnë në bregdetin e Malit të Zi.
Aktualisht në këtë pikë doganore po punohet me 3 sportele në dalje dhe 2 në hyrje. Megjithëse fluksi është i lartë nuk vërehen pritje të gjata pranë kësaj pike.