Fluks në posta për bonusin-Të moshuarit thonë se 5 mijë lekë janë të pamjaftueshme

Bonusi i pensionisteve ka filluar shpërndarjen.  Në pikat e Postës Shqiptare bëhet me dije se ata furnizohen dy herë në ditë për të përballuar fluksin e pensionistëve që vijnë për të tërhequr këtë bonus së bashku me pensionin mujor.

Vetë pensionistet shprehen se ky bonus është i pamjaftueshëm.

Pensionistët shprehen se do të ishte më mirë që të vendoset me ligj pensioni i 13-të ose të kishte një shkallë që qytetarët që kanë pensione më të ulëta të merrnin një bonus më të lartë se ata me pensione të larta.

Bonusi prej 5 mijë lekësh ka filluar shpërndarjen që prej datës 4 dhjetor dhe të gjithë do të kenë mundësi ta tërheqin deri në dhjetor të vitit 2024.