Formacionet e mundshme, De Ligt humb klasiken, Ançeloti ul në stol Krosin
Formacionet e të dy ekipeve sot në mbrëmje do të kenë surpriza pasi dëmtimet dhe zgjedhjet taktike kanë ndikuar teknikët.
Nga njëra anë Tomas Tuhelit i duhet që të improvizojë shumë pasi Matajs De Ligt duket se ka pësuar një dëmtim serioz në ndeshjen përballë Frankfurtit. Pak çaste më parë holandezi ka munguar në stërvitjen e fundit dhe mësohet se përkrah Dajer do të jetë Kim Min Xhe.
Ndërsa sa i përket Karlo Ançelotit mësohet se do të surprizojë duke lënë në stol, Toni Kros. Sipas mediave spanjolle thuhet se italiani ka zgjedhur të luajë në mesfushë me Kamavingën, Çuamenin, Valverden dhe Belingham.
B.Mynih 4-2-3-1: Nojer; Mazraui, Dajër, Kim Min Xhe, Kimish; Laimer, Gorecka; Gerrero, Musiala, Sane; Kejn
R.Madrid 4-4-2: Lunin; Mendi, Naço, Rydiger, Vaskez; Kamavinga, Çuameni, Valverde, Belingam; Rodrigo, Vini Zhunior
