Forumi i Lartë për të Ardhmen e Demokracisë-Zv.kryeministrja e Kosovës vizitë 2 ditore në Lituani
Zëvendëskryeministrja dhe ministrja e Punëve të Jashtme dhe Diasporës, Donika Gërvalla, do të udhëtojë këtë të enjte (7 nëntor) drejt Lituanisë, për të marrë pjesë në Forumin e Lartë për të Ardhmen e Demokracisë, që do të mbahet më 7 dhe 8 nëntor 2024 në Vilnius.
Ministrja e Jashtme ka bërë me dije se pjesëmarrja e ministres në këtë forum përfaqëson përkushtimin e Kosovës për avancimin e demokracisë dhe përpjekjet për forcimin e institucioneve demokratike.
Po ashtu, gjatë forumit, ministrja do të vejë theksin te progresi i Kosovës për ndërtimin e një demokracie të qëndrueshme dhe gjithpërfshirëse.
“Gjatë forumit, ministrja Gërvalla do të theksojë progresin e Kosovës në ndërtimin e një demokracie të qëndrueshme dhe gjithëpërfshirëse, si dhe rëndësinë e bashkëpunimit ndërshtetëror për të mbrojtur demokracinë përballë ndikimeve destabilizuese nga regjimet autokratike“, thuhet në njoftim.
