Franca modelon pishtarin e Paris 2024

Gjashtë tonë çeliku janë shkrirë për të bërë 2000 pishtarët e nevojshëm për Lojërat Olimpike dhe Paraolimpike Paris 2024. Me to u formuan pllaka 0.7 milimetrash që u dërguan në një fabrikë të Normandisë që punon argjendin. Atje u prenë me lazer, salduan dhe montuan nga disa dhjetëra punëtorë, të cilët do të dorëzojnë pishtarët deri në fund të janarit 2024, duke shënuar fundin e një procesi nëntëmujor.

Rezultati është një pishtar me pamje të hollë, me një valëzim që përfaqëson Detin Mesdhe dhe oqeanet nga do të kalojë flaka flaka olimpike, nga Greqia e deri në territoret franceze. Pishtari, i cili është 70 centimetra i lartë dhe peshon 1.5 kilogramë, është i papërshkueshëm nga uji dhe era pasi është projektuar në mënyrë që flaka të mund t’i rezistojë erës që fryn nga 20-60 km në orë.

Për krijimin e 2000 pishtarëve është përdorur çelik i riciklueshëm. Rreth 1500 pishtarë do të përdoren për stafetën olimpike, ndërsa 500 të tjerë do të shkojnë në stafetën e Lojërave Paraolimpike. Do të ketë 11,000 mbajtës të pishtarëve për ta sjellë flakën në destinacionin e saj përfundimtar në Paris.

Flaka e Paris 2024 do të ndizet më 16 prill në Olimpin e Lashtë. Olimpiada e Parisit do të nisë në 26 korrik dhe do të përfundojë në gusht.