cuni futboll
Mund të konsiderohet një fundjavë pozitive për legjionarët tanë, të cilët aktivizohen në kampionatet europiane. Në Serie A, futbollistët shqiptarë po marrin minuta të rëndësishme.
Marvin Çuni, sulmuesi i ftuar në Kombëtare në miqsoren ndaj Bullgarisë, u bë protagonist me skuadrën e Frozinones. 22-vjeçari u aktivizua stoli në minutën e 56-të në takimin ndaj Bolonjës, me ekipin e Tiago Motës që mori tre pikëshin. Sulmuesi shqiptar fitoi penallti në minutën e 62-të që u shndërrua në gol nga Soule. Në përfundim të ndeshjes, Marvin Çuni u vlerësua me notën 6.9, duke u konsideruar si lojtari i dytë më i mirë për skuadrën e tij, pas Matias Soule.
Berat Gjimshiti vazhdon të jetë një titullar i padiskutueshëm te skuadra e Atalantës. Ekipi bergamask fitoi ndaj Genoas me rezultatin 2-0, ndërsa Gjimshiti zhvilloi një paraqitje pozitive në 90 minuta lojë.
Mario Mitaj po jeton një ëndërr. Pas paraqitjeve spektakolare me Kombëtaren, klubi rus i Lokomotivës së Moskës është bindur në aftësitë e lojtarit. 20-vjeçari u aktivizua si mesfushor qendre në derbin ndaj Dinamos së Moskës, takim që përfunoi me rezultatin 0-0. Mitaj e nisi takimin si titullar dhe luajti për 90 minuta, teksa në fund fitoi edhe çmimin “Lojtari i Ndeshjes”.
Minuta pati edhe për Klaus Gjasulën në takimin që skuadra e Darmshtad zhvilloi ndaj Lajpcig. Ekipi ku aktivizohet shqiptari u mund me rezultatin 3-1, ndërsa 33-vjeçari hyri në fushë në minutën e 67’ të takimit.
Kënga fituese e edicionit të 63 të Festivalit të këngës në Radio Televizionin Shqiptar ka…
Miss Shqipëria”, eventi më i madh i bukurisë shqiptare, çeli siparin e edicionit të 27…
Vetëm pak javë pasi hodhi firmën në kontratën e re me Mançester Sitin, sipas së…
Në intervistën që dha për “SonntagsZeitung”, Mishel Platini tregoi disa prej problematikave të mëdha që…
Pas barazimit 1-1 për Supërligën, Vllaznia dhe Elbasani do të masin forcat sërish në “Loro…
Fshati i vogël i Goricës në njësinë administrative të Anës së Malit, në Bashkinë e…
This website uses cookies.