Fundjava me diell popullon Shëngjinin – Vizitorë të shumtë në zonën turistike, dominojnë shqiptarët e Kosovës

Pas disa ditësh me mot të paqëndrueshëm, fundjava e ngrohtë dhe me diell ka rikthyer gjallërinë në bregdetin e Shëngjinit.

Dhjetëra vizitorë nga zona të ndryshme të vendit dhe shqiptarë  të Kosovës kanë zgjedhur të kalojnë ditën në breg të detit, duke shijuar ajrin e pastër, diellin pranveror dhe bukurinë natyrore të qytetit bregdetar.

Bregdeti ishte i mbushur me familjar, të rinj dhe fëmijë që kanë zgjedhur të relaksohen, të bëjnë shëtitje buzë detit apo edhe të provojnë notin për herë të parë këtë sezon.

Shëngjini, i njohur për plazhin e tij të gjatë dhe natyrën e bukur përreth, vazhdon të jetë një nga destinacionet më të preferuara për fundjavat pranverore në veri të vendit.