Fundviti, nisin rezervimet jashtë vendit – Dubai dhe Stambolli destinacionet më të kërkuara
Numri i personave që zgjedhin të kalojnë festat e fundvitit jashtë vendit ka pësuar një rritje këtë vit.
Sipas agjencive turistike, kërkesat janë rritur me rreth 15%, krahasuar me vitin e kaluar, dhe kjo për shkak të çmimeve më të ulta që ofrohen.
Armand Agovi, përfaqësues i një agjensie turistike, thotë se rezervimet kanë filluar prej kohësh dhe përfshijnë destinacione si Milano, Roma, Dubai dhe Stambolli, si dhe vende të tjera të rajonit.
Agjencitë turistike bëjnë të ditur se çmimet për paketat udhëtimore variojnë nga 350 euro për person deri në mbi 2 mijë euro, në varësi të paketës që zgjedhin udhëtarët.
