Gabriel Escobar largohet nga Ballkani Perëndimor, e konfirmon ambasadori i SHBA në Kosovë

Ambasadori i Shteteve të Bashkuara të Amerikës në Kosovë, Jefry Hovernier ka bërë të ditur se Përfaqësuesi Special i Sekretarit të Shtetit për Ballkanin Perëndimor, Gabriel Escobar ka përfunduar detyrën e tij.

Përmes një postimi në faqen në Facebook, të Ambasadës së Amerikane në Kosovës, Hovenier i uron suksese në detyrën e radhës ndërsa e falënderoi për ‘për përkushtimin e tij të palodhshëm për avancimin e vizionit tonë për një Kosovë të sigurt, të begatë dhe demokratike dhe rajon të Ballkanit Perëndimor’.

“Ndërsa miku dhe kolegu im Gabriel Escobar përfundon detyrën e tij si Përfaqësues Special i Sekretarit të Shtetit për Ballkanin Perëndimor, i uroj atij sukses në detyrën e tij të radhës. Unë kam qenë i nderuar të punoj me të për të avancuar qëllimet e SHBA-së në Kosovë dhe në Dialogun e BE-së. Falënderoj për përkushtimin e tij të palodhshëm për avancimin e vizionit tonë për një Kosovë të sigurt, të begatë dhe demokratike dhe rajon të Ballkanit Perëndimor”, shkruan Hovenier.