Gara për drejtorin e RTSH, Këshilli Drejtues i RTSH përzgjedh kandidatët që vazhdojnë
Këshilli Drejtues i Radio Televizionit Shqiptar vijoi procesin e zgjedhjes së Drejtorit të Përgjithshëm të RTSH-së. Në mbledhjen e së hënës, anëtarët e Këshillit, në zbatim të ligjit për mediat audiovizive dhe statutit të Radiotelevizionit shqiptar, me votim të fshehtë votuan për kandidatët që kishin dorëzuar dokumentacionin e tyre, brenda afatit të përcaktuar.
Dy kandidatët e përgjedhur do të kalojnë në seancë dëgjimore para anëtarëve të Këshillit Drejtues në mbledhjen e radhës.
Për përzgjedhjen e kandidatëve, të cilët plotësojnë kriteret për konkurim për pozicionin e Drejtorit të Përgjithshëm të RTSH-së, me votim të fshehtë të drejtuar nga Komisioni Ad-Hoc, u arrit ky rezultat:
Klinton Rama, 4 vota pro, 5 vota kundër;
Jetmir Shpuza, 7 vota pro, 2 vota kundër;
Ermal Hoxha, 3 vota pro, 6 vota kundër;
Eni Vasili, 4 vota pro, 5 vota kundër;
Aurora Polo, 7 vota pro, 2 vota kundër
Një votë e pavlefshme.
Në bazë të rezultatit të votimit, Këshilli Drejtues i Radio Televizionit Shqiptar mori vendimin që në fazën e dëgjesës nga Këshilli Drejtues, të thirren kandidatët:
1. Jetmir Shpuza
2. Aurora Polo
