Gardhet e Anglisë do të rrotulloheshin rreth Tokës dhjetë herë

Gardhet e Anglisë do të shtriheshin pothuajse dhjetë herë rreth Tokës nëse rreshtoheshin nga fillimi në fund. Kështu ka rezultuar sipas një harte të re, më gjithëpërfshirësja deri më sot, e këtyre veçorive historike të peizazhit anglez.

Skanimi me laser nga ajri zbulon një total prej 390.000 km gardhe. Jugperëndimi krenohet me më shumë gardhe, të udhëhequr nga Cornwall.

“Ne kemi ndoshta më shumë gardhe në Angli se kudo tjetër në botë, kështu që jemi shumë me fat që kemi këtë burim të madh”, tha Dr Richard Broughton i Qendrës së Mbretërisë së Bashkuar për Ekologjinë dhe Hidrologjinë, i cili drejtoi projektin.

“Si një politikë kombëtare, ne po përpiqemi të zgjerojmë mbrojtjen e këtyre gardheve dhe kjo do të na tregojë se ku ka boshllëqe në rrjetin e mbrojtjeve që ne mund të plotësojmë”, shtoi ai.

Gardhet kanë qenë pjesë e strukturës rurale të Britanisë që nga epoka e bronzit, duke shënuar kufijtë dhe duke mbajtur bagëtitë.

Ato përmbajnë qindra bimë të ndryshme të egra, ofrojnë strehë për zogjtë folezues, gjitarë të vegjël dhe insekte.

Rreth gjysma e gardheve të Britanisë humbën midis viteve 1940 dhe 1990, kryesisht në Angli, për shkak të bujqësisë dhe zhvillimit intensiv.

Ndërsa humbja është ngadalësuar që nga vitet 1990, neglizhenca dhe dëmtimi mbeten kërcënime të mëdha./ BBC