Çmimi Ndërkombëtar për Lirinë e Shtypit për vitin 2024 do t’u ndahet 4 gazetareve, mes tyre edhe Alsu Kurmashevas.
48-vjeçarja do e marrë këtë çmim në nëntor së bashku me tri gazetare të tjera: palestinezen Shrouq al-Aila, Kimi de Leon nga Guatemala dhe Samira Sabun nga Nigeria.
“Çmimi Ndërkombëtar për Lirinë e Shtypit simbolizon punën jetike të kryer nga gazetarët kudo për të raportuar fakte përballë përpjekjeve të vështira për të shtypur të vërtetën,” tha drejtorja e Komitetit për Mbrojtjen e Gazetarëve.
Kurmasheva me nënshtetësi amerikane dhe ruse, u ndalua në qershor të vitit 2023 ndërsa po priste të kthehej në Pragë nga Rusia. Autoritetet i konfiskuan të dyja pasaportat dhe telefonin, dhe iu ndalua largimi nga vendi.
Pas pesë muajsh pritjeje për një vendim, Kurmasheva u gjobit me 109 dollarë, pasi nuk arriti që të regjistronte tek autoritetet ruse pasaportën e saj amerikane. Në pamundësi që të largohej nga Rusia, në tetor 2023 Kurmasheva u arrestua dhe u vu pas hekurave, ku u akuzua se nuk ishte deklaruar si “agjente e huaj”, sipas një ligji të miratuar më herët në Rusi. Më vonë, ndaj saj u ngrit akuza për përhapje të lajmeve të rreme për ushtrinë ruse.
Në korrik të këtij viti, një gjykatë në qytetin rus Kazan e dënoi 48-vjeçaren me gjashtë vjet e gjysmë burgim. Pas më shumë se nëntë muajve burg, gazetarja e Radios Evropa e Lirë, Kurmasheva, u lirua më 1 gusht 2024 si pjesë e shkëmbimit të të burgosurve mes Shteteve të Bashkuara dhe Rusisë.
Liverpool fitoi 2-0 ndaj Manchester Cityt në ndeshjen e javës së 26-të të Premier League,…
Lara Colturi e ka mbyllur fundjavën në Sestriere në vendin e 13-të në Sllallomin e…
Shqipëria në basketboll për meshkuj ka fituar ndeshjen e fundit në grupin C ndaj Austrisë…
Ditën e sotme vendi ynë do të ndikohet nga kushte atmosferike relativisht të qëndrueshme. Moti…
Friedrich Merz, i cili udhëhoqi Unionin e tij Kristian Demokrat të qendrës së djathtë (CDU)…
Kënga fituese e edicionit të 63 të Festivalit të këngës në Radio Televizionin Shqiptar ka…
This website uses cookies.