Gjendet një trup i dekompozuar / Policia e ka identifikuar si një 49- vjeçar, me precedentë kriminalë

Trupi i dekompozuar i një personi  është gjetur mëngjesin e kësaj të enjte në trafikndarësen e autostradës Milot- Thumanë, në afërsi të fshatit Shullaz të Kurbinit.

Kanë qenë punonjësit e mirëmbajtjes së kësaj rruge, ata që sinjalizuan menjëherë policinë e shtetit.

 Sipas verifikimeve paraprake, dyshohet se trupi i npërket një shtetasi 49- vjeçar nga Laçi, i cili është identifikur, por emri nuk bëhet publik për arsye të kptueshme.

Dyshimet janë se ky shtetas ka humbur jetën kohë më parë, ndoshta i përplasur nga ndonjë automjet që kalonte andej.

Trupi i dekompozuar është dërguar për ekspertizë mjeko-ligjore në morgun e spitalit të Laçit, ndërsa vijojnë hetimet në lidhje me rastin.

Paraprakisht, dyshohet se 49- vjeçari mund të jetë i njëjti person që më 15 tetor, pas nje tentative për vjedhjen e një motorciklete, u denoncua nga pronari dhe gjatë largimit u aksidentua në superstradë shumë pranë vendit ku u gjet i pajetë ky shtetas.

 Sipas të dhënave, 49-vjeçari rezulton  të jetë person me precedent  penal për vedhje dhe dhunë në familje, ndërsa nuk rezulton i denoncuar ne polici, si person i humbur.