Gjermani- Makina futet në mes të turmës, 2 viktima dhe 25 të plagosur
Një ngjarje e rëndë ka tronditur qytetin perëndimor të Gjermanisë, Mannheim, ku një automjet ka hyrë në mes të turmës së njerëzve duke vrarë 2 prej tyre dhe duke lënë 25 të plagosur, 15 prej të cilëve në rrezik për jetën.
Ngjarja e rëndë ndodhi mesditën e sotme (3 mars) në qendër të qytetit të Mannheim.
Autoritetet kanë bërë të mundur arrestimin e drejtuesit të mjetit, ndërsa u kanë bërë thirrje qytetarëve që të shmangin zonën pasi operacioni është në vazhdim.
Për momentin nuk është e qartë nëse ky ishte një aksident apo një akt i qëllimshëm terrorist.
