Gjigandi rus energjetik, Gazprom: Evropa ka mungesë të gazit natyror

Gjigandi rus energjetik Gazprom ka bërë të ditur se Evropa, e cila dikur ishte burimi i saj kryesor i të ardhurave, ka mungesë të gazit natyror dhe mund të përballet me sfida, më shumë se një vit pasi tubacionet Nord Stream u dëmtuan nga shpërthimet.

“Fakti që deficiti sistemik nuk është larguar, manifestohet jo vetëm nga niveli më i lartë i çmimeve në 2023 krahasuar me vitet e para Covid-it, por edhe nga vazhdimësia e një kontangoje të qëndrueshme në tregun e gazit natyror”, Sergei Komlev dhe Alexander Shapin, menaxherët e lartë të Gazprom, transmeton Reuters.

Eksportet e gazit të Gazprom pothuajse u përgjysmuan vitin e kaluar në 100.9 miliardë metra kub (bcm) për shkak të pasojave politike me Evropën mbi Ukrainën dhe pasi tubacionet nënujore Nord Stream, rruga më e madhe e eksportit të gazit për Rusinë në tregun evropian u hodhën në erë në shtator të vitit 2022.