“Janë emocione të bukura, ne jemi të lumtur që kemi arritur deri këtu. Kjo nuk ndodh çdo ditë dhe ka qenë një ëndërr që kur kemi qenë fëmijë. Nesër fusha do të ketë rëndësi”. Kështu ka folur për Sky Sport mbrojtësi i Atalantas, Berat Gjimshiti, një nga protagonistët e pritur të finales së Europa League kundër Bayer Leverkusenit të planifikuar për nesër në Dublin. Mbrojtësi kuqezi do të jetë kapiten duke patur parasysh mungesën e të dëmtuarit De Roon: “Është krenari e madhe, do të na mungojë Marten, por do të jetë në dorën tonë të luajmë si ai. Unë do të jem kapiten, por ne jemi shumë në skuadër të cilët janë kapitenë. Ne luajmë së bashku dhe fitojmë së bashku”.
Bayer Leverkusen nuk ka humbur kurrë këtë sezon, a kanë ndonjë pikë të dobët?
“Nuk ka nevojë për shumë fjalë, ata nuk kanë humbur asnjë ndeshje dhe me meritë e fituan Bundesligën. Janë një ekip i madh me individualitet të mirë. Ne tashmë jemi përballur me ta dy vjet më parë, tani me Xabi Alonson ata luajnë të gjithë bashkë dhe janë shumë të shpejtë në rinisje”.
Kush do të ketë detyrën më të vështirë?
“Kushdo që e njeh Atalantën e di se mbrojtja fillon me presionin e sulmuesve. Dhe kur ne sulmojmë ne fillojmë nga mbrojtësit. Do të jetë një ndeshje e vështirë për t’u përballur, ata janë të shpejtë dhe ne duhet të jemi të kujdesshëm. Do të duhet të jemi kompakt, çdo gabim në finale mund të na kushtojë shtrenjtë”.
Në prag të sfidës së nesërme ku Vllaznia do të pres në “Loro Borici” ekipin…
Teksa ka përfunduar shqyrtimi i dokumentacionit dhe kontrollet në terren, në qarkun Shkodër po vijon…
Figura e Artistit të Merituar Sali Mani, rapsodit të lahutës e çiftelisë, u përkujtua “in…
5 Pedagogë të Universitetit “Luigj Gurakuqi” kanë dalë në pension duke shpëputur marrëdhëniet me këtë…
Ka nisur mbrëmjen e së premtes Kampionati Kombëtar i boksit për vititn 2024, aktivitet që…
Pas restaurimit të fasadave të pallateve në lagjen “Partizani” në Shkodër, pak ditë më parë…
This website uses cookies.