Gjimshiti sfidon Juventusin në finalen e Kupës, mbrojtësi kuqezi në formacion e javës
Mbrojtësi i kombëtares shqiptare Berat Gjimshiti vazhdon të shkëlqejë me fanellën e Atalantës dhe të marrë vlerësime javë pas jave.
31-vjeçari është një titullar i padiskutueshëm i skuadrës zikaltër, me të cilën ka arritur që të sigurojë një vend në finalen e Kupës së Italisë, ku përballë Atalantës do të jetë Juventusi.
Mbrojtësi kuqezi ishte titullar në fitoren 4-1 ndaj Fiorentinës në gjysmëfinalen e kthimit dhe është zgjedhur në formacionin e javës së Kupës së Italisë nga faqja e specializuar “Sofascore”.
