Gjykata e Posaçme për Korrupsionit dhe Krimin e Organizuar edhe të enjten vendosi të shtyjë caktimin e masës së sigurisë “arrest shtëpie” me mbikëqyrje policore ndaj ish-kryeministrit Sali Berisha.
Avokatët mbrojtës të kryedemokratit kërkuan kohë që të paraqitin zyrtarisht kërkesën për përjashtimin e gjyqtares Irena Gjoka, duke aluduar për anësi të saj.
“Sot kemi marrë provat që ne mendojmë se mbështesin përjashtimin e gjyqtares. Po zbatojmë ligjin dhe afatet ligjore, sipas Kodit të Procedurës,” u shpreh avokati Genc Gjokutaj.
Mbledhja e radhës e trupës gjyqësore është lënë për të shtunën, 30 dhjetor, në orën 12:00.
Kreu i demokratëve akuzohet nga SPAK si i përfshirë në korrupsion pasiv për sa i përket privatizimit të kompleksit Partizani, në bashkëpunim me dhëndrin e tij Jamarbër Malltezi dhe të tjerë.
Kompleksi u privatizua në vitin 2008, kur Berisha ishte kryetar qeverie, kundrejt vlerës 100 mijë dollarë, ndonëse prona në qendër të Tiranës shtrihej në një sipërfaqe rreth 10 mijë metra katrorë.
Malltezi u arrestua në tetor me urdhër të prokurorëve specialë, ndërsa ish-presidenti Berisha si i pandehur ka refuzuar të paraqitet personalisht në ambientet e SPAK-ut për të sqaruar rrethanat, mosbindje e cila u bë shkak edhe për kërkesën e Strukturës së Posaçme që ai të zhvishet nga imuniteti politik javën e kaluar.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.