Gjuraj: Ndryshime të rëndësishme në UNISHK – Rektori i “Luigj Gurakuqi” flet për mediat para mbledhjes së Senatit Akademik

Dokumenti i politikave të arsimit të lartë, i miratuar të martën nga Konferenca e Rektorëve, ishte në qendër të mbledhjes së radhës  të Senatit të Universitetit “Luigj Gurakuqi” të Shkodrës.

Rektori Tonin Gjuraj  theksoi se dokumenti përmban pika thelbësore, ndër të cilat spikat ndryshimi i ligjit për arsimin e lartë, që do të jetë në përshtatje me zhvillimet bashkëkohore.

Ndryshimet do të prekin çështje si profilizimi i universiteteve rajonale dhe modernizimi i metodave të mësimdhënies, duke përfshirë mësimin on-line krahas atij tradicional në auditore.

Në mbledhjen e Senatit  u diskutua dhe u miratua projektbuxheti për vitin 2025, i cili synon përmirësimin e infrastrukturës dhe kushteve të ambienteve universitare, me qëllim krijimin e një mjedisi më të përshtatshëm për studentët dhe stafin akademik të Universitetit të Shkodrës  .