Gjurmët e postës në trojet shqiptare – Autori Smajlaj sjell një analizë të thelluar me dëshmi nga periudha të ndryshme
Me një përvojë të gjatë në fushën e shërbimeve postare, Fadil Smajlaj prezantoi për lexuesit në Bibliotekën “Marin Barleti”, “Gjurmë të Postës në trojet shqiptare 1800-1944”, një libër me një analizë të thellë e plotësuar me dëshmi nga periudha të ndryshme të evolucionit të sistemit postar.
Autori Smajlaj sjell një këndvështrim të plotë për historikun e Postës Shqiptare, ndërsa ai e lidh atë edhe me zhvillimin aktual të saj.
Fadil Smajlaj ka shërbyer për 35 vjet në poste të larta drejtuese pranë Postës Shqiptare. Nëpërmjet këtij libri Smajlaj pasuron më tej dijen dhe historiografinë e Postës në të gjithë hapësirën ku kanë jetuar e jetojnë shqiptarët.
