Lajme

Gjykata kërkon arrestimin e Netanjahut, liderit të Hamasit për krime lufte

Kryeministri i Izraelit, Benjamin Netanjahu, ish-ministri i Mbrojtjes, Joav Galant dhe lideri i Hamasit, Mohamed Deif, do të përballen me drejtësinë ndërkombëtare për krime lufte.

Urdhërarrestet për zyrtarët u lëshuan të enjten (21 nëntor) nga Gjykata Penale Ndërkombëtare (GJPN) me kërkesë të kryeprokurorit Karim Kan. Vendimi nënkupton që të tre personat rrezikojnë arrestimin nëse dalin nga vendi i tyre drejt një vendi tjetër ku respektohet juridiksioni i Gjykatës Penale. Rreth 120 shtete kanë nënshkruar statutin e Romës të 1998-ës.

Dhoma lëshoi urdhërarrestet për dy individë, z. Benjamin Netanjahu dhe z. Joav Galant, për krime kundër njerëzimit dhe krime lufte të kryera të paktën nga 8 tetori 2023 deri më 20 maj 2024.

Ka arsye të besohet se Galant dhe Netanjahu qëllimisht dhe me vetëdije i mohuan popullsisë civile të Gazës objekte të domosdoshme për mbijetesën e tyre, përfshirë ushqimin, ujin dhe ilaçet, si edhe karburantin dhe energjinë elektrike,” njoftoi GJPN-ja.

Për Deifin, Gjykata vendosi unanimisht për nxjerrjen e urdhërarrestit ndaj tij “për krime të pretenduara kundër njerëzimit dhe krime lufte të kryera në territorin e Shtetit të Izraelit dhe Shtetit të Palestinës të paktën nga 7 tetori 2023.

Izraeli dhe grupi i Hamasit janë përfshirë në një luftë me pasoja vdekjeprurëse prej 7 tetorit të vitit të kaluar, kur 1 mijë shtetas izraelitë u vranë brenda ditës gjatë një sulmi terrorist.

Mbi 45 mijë persona në Gazë, ku operon Hamasi, kanë gjetur vdekjen nga operacionet e ushtrisë izraelite për hakmarrje, por edhe për “shfarosjen” e grupit palestinez që mori përsipër sulmin fillestar.

Izraeli nuk ka pranuar juridiksionin e Gjykatës Penale Ndërkombëtare, e cila e ka selinë në Hagë, dhe i ka mohuar akuzat për krime lufte. Ministria e Jashtme e Izraelit në shtator kërkoi që vendit t’i jepej mundësia të hetonte paraprakisht pretendimet e Gjykatës. Të enjten Gjykata sqaroi se pranimi apo jo i juridiksionit të saj nuk ka rëndësi.

GJPN-ja ka lëshuar më herët edhe një urdhërarrest ndërkombëtar për presidentin e Rusisë, Vladimir Putin, i cili po ashtu akuzohet për krime lufte në Ukrainë.

RTSH Shkodra

Recent Posts

Formula 1/ Hamilton bën 30 xhiro në Fiorano, tifozët nuk përmbajnë gëzimin

Për Ferrari-n ka qenë një ditë historike ajo e sotmja pasi Ljuis Hamilton ka bërë…

44 minutes ago

I ftohti arktik në SHBA – Regjistrohen 9 viktima, 4 nga hipotermia

Një stuhi e fortë arktike përfshiu disa shtete jugore në Shtetet e Bashkuara, duke sjellë…

46 minutes ago

Subjektet akomoduese, status special edhe për 3 vite. Tabaku: Kundër ligjit me porosi

Me propozim të deputetit Blendi Klosi në Komisionin e Ekonomisë dhe Financave u diskutuan disa…

50 minutes ago

PD denoncon PS: Hap zyrë elektorale në Selanik dhe e maskon si të KQZ-së

Partia Demokratike ka akuzuar qeverinë se ka vënë në dispozicion makinerinë shtetërore për të siguruar…

53 minutes ago

Dhunimi i Vladimir Bruçit, vetëdorëzohen në polici Izmir Sakica dhe Samuel Troshani

Janë vetëdorëzuar në polici Izmir Sakica dhe Samuel Troshani, në lidhje me ngjarjen e rrahjes…

56 minutes ago

SHBA tarifa tregtare e BE-së dhe Kinës – Trump njoftoi edhe një investim madhor për inteligjencën artificiale

Presidenti amerikan Donald Trump kërcënoi Rusinë me sanksione dhe tha se lufta në Ukrainë nuk…

2 hours ago

This website uses cookies.