Gjykata lë në burg 15- vjeçarin, i mituri në gjendje shoku, nuk flet gjatë seancës
Gjykata e shkallës së parë juridikisoni Shkodër ka dhënë masën e sigurisë “Arrest me burg” për 15 vjeçarin K. K i dyshuar për plagosjen e rëndë me pasojë vdekjen të bashkëmoshatarit të tij E, GJ. I mituri Kolbuçaj është vlerësuar nga psikologu se ishte në gjendje shoku psikologjik ndaj edhe nuk ka dhënë asnjë deklaratë gjatë seancës për masën e sigurisë.
Seanca u mbajt me dyer te mbyllura, ndërsa jashtë gjykatës qëndronin familjarët e autorit të ngjarjes. Vetë 15- vjeçari ishte i pranishëm në sallën e gjyqit, ndërsa nuk ka folur para gjykatës. Psikologu ka deklaruar se ai është në gjendje të rënduar psikologjike duke e konsideruar në gjendje shoku.
Prokurori Ndriçim Halili ka kërkuar masën me burg, teksa mbrojtja ka kërkuar që të merret masa e cila gjykon interesin me të lartë në shërbim të të miturit dhe gjendjes së tij psikologjike. I mituri pritet të dërgohet pranë qendrës së riedukimit në Kavajë.
