Goditja e politikanit serb, dyshohet se u helmua në spital me gazin neurotoksik “noviçok”

Një ditë pasi bëri homazhe në varrezat e familjes Jashari në Prekaz, politikani opozitar serb, Nikola Sanduloviq, u rrah brutalisht në Serbi.

Kryetari i partisë Republikane të Serbisë, Sanduloviç raportohet se është rrahur brutalisht nga Shërbimi Sekret Serb (BIA), ndërsa pjesë ka marrë edhe Milan Radoiçiq, ish-nënkryetari Listës Serbe dhe organizuesi i sulmit terrorist në Banjskë.

Tashmë janë publikuar edhe videot e para të politikanit, teksa lë një spital në kryeqytetin serb, Beogradin. Ai shihet në gjendje të rëndë shëndetësore ndërsa e bija e tij, Klara ka deklaruar se politikani është helmuar dhe ka ngritur dyshime se një gjë e tillë është bërë me agjentin nervor novichok, të cilën shpesh e përdor presidenti rus, Vladimir Putin për të eliminuar ish-bashkëpunëtoret apo kundërshtarit e tij.

Mbi rrahjen e Sanduloviqit ka reaguar edhe deputetja britanike, Alicia Kearns. Ajo është shprehur e shqetësuar për sigurinë dhe shëndetin e politikanit serb.

Kjo nuk është hera e parë që politikani serb është rrezikon seriozisht jetën nga helmimi. Ai ishte helmuar edhe dy vite më parë, dhe me sa duket ky lloj eleminimi ka mbetur si alternativa më e preferuar e tyre, ndërsa Sanduloviqi i ka ambijetuar edhe dy atentateve me eksploziv.

Sanduloviç e ka quajtur presidentin serb, Aleksandar Vuçiq, kriminel lufte dhe i ka thënë që para se të shkojë në Kosovë, duhet të kërkojë falje dhe ta pranojë krimin e kryer në Reçak.