Qershori i këtij viti ishte më i nxehti në historinë e Greqisë që nga viti 1960. Kjo sipas drejtorit të kërkimeve në Obervatorin Kombëtar të Athinës, Kostas Lagouvardos, i cili u shpreh për agjencinë e lajmeve AFP, se qershori i 2024-ës u karakterziua nga peridha të gjata temperatursash të larta, duke tejkaluar në shumë raste temperaturat që shënohen normalisht gjatë këtij sezoni në vend.
Ndërsa temperaturat e qershorit në Greqi zakonisht nuk kalojnë 31 gradë celcius, këtë vit kombi u përball me një meatare prej 35 gradë celcius, dhe një valë të nxehti që në mesin e qershorit shkoi në mbi 40 gradë celcius, theksoi Lagouvardos, i cili bëri gjithashtu me dije se nga viti 1960 deri në 2024-ën, temperatura mesatare në Greqi është rritur me 2.5 gradë celcius.
Zëdhënësi i qeverisë greke Pavlos Marinakis ndërkohë iu tha gazetarëve këtë javë se muajin e shkuar në vend ka patur 1281 vatra aktive zjarri, ndërkohë që qershorin e viti të shkuar ishin 533 të tilla.
Erërat e forta dhe kushtet e thatësirës kanë nxitur zjarret në zonat rreth kryeqytetit Athinë, në ishullin e Kosit si dhe në rajonin e Peloponezit në jug të Athinës. Shkencëtarët thonë se ndryshimet klimatike ndikojnë në shpeshtësinë dhe intensitetin e dukurive ekstreme të motit, siç janë valët e të nxehtit.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.