Greqia Qendrore është përmbytur për herë të dytë brenda 20 ditëve.
Këtë herë dëmet janë përqendruar te qytetit i Volosit dhe zonat përreth, si dhe në pjesën veriore të ishullit të dytë më të madh në Greqi, Evia.
Kushtet e motit dyshohet se u bënë shkak edhe për rrëzimin e një helikopteri privat, aksident që la të vrarë pilotin dhe pasagjerin e mjetit fluturues.
Evia Veriore është rrezikuar nga përmbytjet që kur rajoni u dogj prej zjarreve të gushtit 2021. Nga ajo kohë, për të parandaluar rrëshqitjet e dheut janë ndërtuar disa diga të vogla, të cilat mendohet se i kanë kufizuar dëmet.
Ekspertët thonë se situata mbetet e vështirë me gjithë ndërhyrjet, pasi lumenjtë e vegjël mbushen me baltë me kalimin e viteve dhe në rast përmbytjesh uji del nga shtrati i tyre, siç ndodhi edhe gjatë stuhisë të së enjtes.
Përmbytjet e reja kanë lënë sërish pa uji dhe pa energji shumicën e qytetit të Volosit. Në shumë zona janë dëmtuar rrugët dhe uji ka marrë makinat me vete.
Opozita, me në krye partinë Siriza dhe liderin e ri të saj, Stefanos Kaselakis, akuzojnë qeverinë “për papërgjegjshmëri të madhe administrative” përballë katastrofave natyrore dhe ndryshimeve klimatike. /Kathimerni
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.