Shefja e Epidemiologjisë dhe Sëmundjeve Infektive në ISHP Silva Bino në një lidhje me skype me emisionin “Jetë Shqiptare” foli për virozat që janë në qarkullim në vendin tonë dhe në rajon.
“Situata në vend është situata tipike e gripit, ku mbizotëron ky virus në krahasim me të gjithë viruset e tjera qoftë Covi-19 apo edhe virusi respirator sinsicial. Këto janë të dhënat dhe kjo situatë vihet re mjaft qartazi në dy javët e fundit të dhjetorit.
Jemi në një sezon gripi, nuk jemi në sezon të rëndë gripi. Pa përhapur panik, kemi rritje të numrit të rasteve në spital, shpesh herë raste të tilla shtrohen se kanë nevojë por edhe kërkesa është më e madhe sesa nevoja shpesh herë.
Për sa i përket variantit të Covid, varianti JN1 nuk ka të dhëna të qarkullojë në Evrope dhe në Shqipëri. Ky është variant i cili është shumë predominues në SHBA. Është varianti B2.86 që qarkullon në rajonin e Evropës. Aktualisht nuk kemi forma të rënda të Covid”, tha Silva Bino.
E pyetur nga moderitori i emisionit nëse gripi është vdekjeprurës sikurse dje u shënua dhe viktima e parë e gripit, shefja e Epidemiologjisë dhe Sëmundjeve Infektive Silva Bino theksoi se gripi ka qenë gjithmonë vdekjeprurës sidomos në personat me sëmundje bashkëshoqëruese.
“Gripi është vdekjeprurës dhe ka qenë, për shkak edhe të Cov-id çdo viroz është në vëmendjen e njerëzve. Ka shkaktuar vdekje gjatë të gjitha kohëve. Më të rriskuarit janë ato që kanë sëmundje bashkëshoqëruese dhe personat të cilët janë obez.
Këto janë personat të cilët janë më të pritur për të pasur vdekje nga gripi apo komplikacione të rënda të gripit. Gjatë ditëve të fundit kemi vënë re që kemi shtrime në spitale dhe një rritje të numrit të pneumonive që janë të lidhura kryesisht me gripin”, tha Bino.
Ky është çifti i bashkëshortëve Zija dhe Bardha Karini. 50 vite më parë u njohën…
Vildani është një nga të rinjtë shkodranë që studion dhe punon njëkohësisht. Pasioni për letërsinë,…
Malësia e Madhe është zona me shtrirjen më të madhe të sipërfaqes të kultivuar me…
20 shtatori shënon ditën ndërkombëtare të pastrimit. Ndërmarrja e shërbimeve publike në Shkodër bën me…
Ambasadorja e Austrisë në vendin tonë, Monica Zach, ka zhvilluar një vizitë në universitetin e…
Java Evropiane e Mobilitetit në Shkodër është shënuar me një sërë aktivitetesh të dedikuara promovimit…
This website uses cookies.