Gropa me ujë përmes varrezave – Banorët kërkojnë të ndërhyhet në rrugën e “Stom Golemit”
Kjo është gjendja e rrugës përmes varrezave publike të “Stom Golemit”, në Shkodër që lidhet me Golemin, Grudën e Re, dhe Hotin e Ri.
Ka shumë vite në këtë gjendje, megjithatë nuk është ndërhyrë asnjëherë për rregullimin e saj.
Banorët kërkojnë që të ndërhyhet sa më shpejt për faktin se është një zonë tejet e mbipopulluar dhe shërben për të shkurtuar distancën mes fshatrave.
Prej vitesh, shqetësimi për këtë rrugë, që kalon përmes varrezave, është trajtuar vazhdimisht nga mediat, por nuk është marrë asnjë masë në këtë drejtim për përmirësimin e infrastrukturës.
Madje, kjo ka bërë që një pjesë e varrezave të dëmtohen nga uji.
