Guardiola: Messi, lojtari më i mirë i të gjitha kohërave

Pep Guardiola reflekton për të ardhmen e tij, sezoni aktual mund të jetë edhe sezoni i tij i fundit në pankinën e Manchester City pas nëntë vitesh në të cilat ai udhëhoqi “Qytetarët” për të fituar gjithçka, fillimisht në Angli dhe më pas në Evropë.

Por ende asgjë nuk është vendosur, siç ka konfirmuar vetë trajneri katalanas për ‘Che tempo che fa’, i ftuar në emisionin e Fabio Fazios. “Të largohesh nga City? Nuk është e vërtetë, nuk e kam vendosur ende. Dhe nuk është e vërtetë që do të jem as trajneri i ardhshëm i Anglisë. Nëse do të kisha vendosur do ta thosha… As unë nuk e di, gjithçka mund të ndodhë”, ka thënë trajneri spanjoll.

“Ndoshta është mungesë respekti për Maradonën dhe Pelen, por Messi është lojtari më i mirë i të gjitha kohërave. Ne jemi me fat që e përjetojmë atë sepse ndodh vetëm një herë”, ka shtuar më tej Guardila, duke cilësuar “pleshtin” si më të mirin e të gjitha kohërave.