Gushti, “italo-mania” e futbollit shqiptar Vetëm 75 km e ndajnë Shqipërinë nga …

Gushti, “italo-mania” e futbollit shqiptar

Vetëm 75 km e ndajnë Shqipërinë nga Italia, por futbolli i të dy vendeve ka qenë çuditërisht shumë larg sa u përket përballjeve, si në nivel të ekipeve përfaqësuese, por edhe në nivel të klubeve. Megjithatë, gushti i këtij viti premton t’i sjellë edhe më afër dy anët e Adriatikut, teksa janë në program të paktën 3 përballje midis skuadra shqiptare dhe italiane. E para në fakt ishte ajo që u zhvillua të enjten pasdite, aty ku Modena, e cila militon në nivelin e dytë të Kampionatit Italian të Futbollit, në Serinë B, mundi Dinamon 2-0, me nga një gol për secilën pjesë loje.

Ndërkaq, Partizani do të presë në “Arenën e Demave” skuadrën e Romës, në një miqësore luksi për “Demat e kuq”, që është fiksuar për datën 12 gusht. Lajmi është konfirmuar të enjten edhe nga vetë kryeministri i vendit, Edi Rama, i cili i ka uruar mirëseardhjen në këtë kthimi në Tiranë trajnerit Zhoze Murinjo, i cili ka kujtime të bukura nga kryeqyteti shqiptar. Vitin e shkuar, Murinjo arriti të fitonte trofeun e parë të Ligës së Konferencës në Tiranë, me skuadrën e Romës në një përballje finale me Fejënordin, aty ku verdhekuqtë arritën të fitonin me rezultatin 1-0.

Kjo është miqësorja e dytë e klubeve shqiptare me ato të Serisë A, kurse një ditë pas Partizanit, më 13 gusht, edhe Egnatia do të përballet me Interin. Ajo do të luhet më 13 gusht, ora 20:00 në stadiumin “Paolo Maca” të Ferrarës, aty ku luan dhe skuadra e SPAL-it, dhe që ka një kapacitet prej më shumë se 16,000-vendesh dhe se është një nga 5 më të vjetrit në Itali. Megjithatë, me Dinamon që vazhdon stërvitjen në Itali, numri i këtyre miqësoreve mund të rritet edhe më tepër.

Burimi