Ulja e inflacionit do të jetë objektivi kryesor i Bankës së Shqipërisë rreth mesit të vitit 2024. Kështu bëri me dije Guvernatori Gent Sejko, gjatë një konferencë, ku u shpreh se në periudhën afatshkurtër, një ritëm më i moderuar i rritjes ekonomike pritet të sjellë ndihmojë në stabilizimin e çmimeve gjatë viti të ardhshëm.
“Projeksionet tregojnë se ekonomia shqiptare do të rritet gjatë periudhës në vijim, ndërsa inflacioni do të kthehet në objektiv rreth mesit të vitit 2024. Në periudhën afatshkurtër, një ritëm më i moderuar i rritjes ekonomike pritet të sjellë një ecuri më të balancuar të kërkesës dhe ofertës për mallra e shërbime duke ndihmuar në stabilizimin e çmimeve gjatë viti të ardhshëm. Në periudhën afatmesme, ritmi i rritjes ekonomike pritet të vijë drejt normalizimit. Ky skenar parashikimesh faktorizon pritjet tona për një ecuri të ngadaltë, pritet reduktimi gradual i inflacionit në ambientin e huaj”, tha Sejko.
Ndalur te tregjet financiare, Sejko u shpreh se luhatjet e kursit të këmbimit të lekut ndaj euros po vijnë drejtë reduktimit. Megjithatë, ai theksoi se në periudhën afatshkurtër, se tregu valutor do të mbetet subjekt i luhatjeve. Guvernatori i Bankës së Shqipërisë i bëri thirrje operatorëve të tregut valutor që të tregohen të kujdesshëm.
“Tregjet financiare shqiptare kanë qenë relativisht të qeta gjatë 3-mujorit të shkuar. Në veçanti luhatjet e kursit të këmbimit të lekut ndaj euros po vijnë drejtë reduktimit ndërsa raporti i shkëmbimit të lekut ndaj euros duket se është stabilizuar rreth niveleve aktuale. Normalizimi gradual i qëndrimit të politikës monetare ka sjellë një rritje të përgjithshme të normave të interesit në vend. Kushtet e brendshme financiare mbeten ende stimuluese. Pas një forcimi të shpejtë të kursit të këmbimit në periudhën maj-korrik, ky kurs është stabilizuar në periudhën gusht-shtator. Kjo ecuri sugjeron se tregu valutor do të mbetet subjekt i luhatjeve në periudhën afatshkurtër. Të gjithë operatorët e tregut valutor duhet të jenë të kujdesshëm në aktivitetin e tyre”, theksoi Sejko.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.