Hakerët hakmerren për vdekjen e Navalnyt, vjedhin bazën e të dhënave të të burgosurve rusë

Pak orë pas vdekjes së liderit të opozitës Alexey Navalny në shkurt në një burg rus, një grup hakerësh anti-Kremlin vendosën të hakmerreshin.

Duke përdorur aksesin e tyre në një rrjet kompjuterik të lidhur me sistemin e burgjeve të Rusisë, hakerët vendosën një foto të Navalny-t në faqen e internetit të kontraktorit të burgut të hakuar,

“Rroftë Alexey Navalny!”, lexohet një mesazh në faqen e internetit të hakuar, shoqëruar me një foto të Navalny dhe gruas së tij Yulia në një tubim politik.

Ata kanë vjedhur një bazë të dhënash që përmban informacione për qindra mijëra të burgosur rusë dhe të afërmit dhe kontaktet e tyre, përfshirë, të dhënat e mbajtura për të burgosurit në koloninë penale të Arktikut ku Navalny vdiq në shkurt.

Hakerët, të cilët thonë se janë nga kombe të ndryshme, përfshirë emigrantë rusë dhe ukrainas, po ndajnë të dhënat, duke përfshirë numrat e telefonit dhe adresat e e-mailit të të burgosurve dhe të afërmve të tyre “me shpresën se dikush mund t’i kontaktojë ata dhe të ndihmojë të kuptojë se çfarë ndodhi me Navalny”, transmeton CNN, që i referohet një hakeri që pretendon të jetë i përfshirë në sulmin kibernetik.

Përveç kësaj, hakerët përdorën aksesin e tyre në komisariatin online të sistemit të burgjeve ruse, ku anëtarët e familjes blejnë ushqim për të burgosurit, për të ndryshuar çmimet e ushqimeve.  

U deshën disa orë që administratori i dyqanit online të burgut të vinte re se rusët po blinin ushqim për shumë pak qindarka.

“Ne po shikonim [regjistrat e aksesit në dyqanin online] dhe ai thjesht vazhdoi të lëvizte më shpejt dhe më shpejt me gjithnjë e më shumë klientë që bënin blerje” tha hakeri në një bisedë në internet ndërsa ofroi të dhëna duke vërtetuar se ata ishin të përfshirë në hakerim.

Hakerët pretendojnë se baza e të dhënave përmban informacione për rreth 800 mijë të burgosur për të afërmit dhe kontaktet e tyre.

Tom Hegel, një ekspert i sigurisë kibernetike me përvojë në analizimin e të dhënave, tha se të materialet e zbuluara tregonin të gjitha shenjat e të qenit autentike dhe se ato kishin origjinën nga dyqani i burgut.