Hamasi dhe Izraeli gati për negociata për fazën e dytë të armëpushimit

Hamasi po bën thirrje për fillimin e menjëhershëm të negociatave indirekte me Izraelin për fazën e dytë të marrëveshjes së armëpushimit në Gaza, ndërkohë që Izraeli ka vazhduar të godasë enklavën e rrethuar që nga ora e parë e përfundimit të fazës së parë.

Në një deklaratë, organizata e armatosur tha se delegacioni i saj zhvilloi bisedime në Kajro me kreun e shërbimit inteligjent të Egjiptit, Hassan Mahmoud Rashad, të cilat u fokusuan në armëpushimin dhe shkëmbimin e pengjeve me të burgosurit palestinezë.

Ai u shpreh se ka “indikacione pozitive” që faza e dytë e marrëveshjes të zbatohet. Një zëdhënës i lëvizjes bën thirrje gjithashtu për intensifikimin e përpjekjeve për të sjellë “ndihma” në Rripin e Gazës dhe kërkon “të hiqet bllokada e popullit tonë të vuajtur”.

Ai njoftoi se Izraeli po përgatitet për negociata. Në veçanti, “një delegacion do të dërgohet në Doha të hënën e 10 marsit në një përpjekje për të çuar përpara negociatat” pas “një sfide nga ndërmjetësit e mbështetur nga SHBA”.

Në fazën e dytë të armëpushimit pritet të riatdhesohen 24 pengje izraelite dhe trupat e 34 të tjerëve.