Hamilton shkon në Maranelo: Disa ditë nuk harrohen kurrë!
Aventura e Ljuis Hamilton ka nisur sot në Maranelo. Piloti britanik ka preferuar që të rrëfejë emocionet e ditës së parë si pilot i skuderisë italiane nëpërmjet një postimi në rrjetet sociale.
“Në jetë disa ditë nuk harrohen kurrë dhe për mua kjo e sotmja është një e tillë. Gjatë karrierës sime kam arritur triumfe, të cilat nuk i kisha imagjinuar kurrë, por kjo s’më ka penguar që të ëndërroj gjithmonë të garoj një ditë për Ferrari-n”, shkruan 40-vjeçari.
