Hapësirat publike u respektuan/ Administratori i Velipojës: Shërbimet ndaj turistëve më të mira sivjet
velipojasa
Pas këtij që sapo lamë pas, një tjetër sezon turistik i sukseshëm pritet që të jetë ai i vitit të ardhshëm duke qënë se shërbimet në favor të pushuesve kanë qënë të mira, thotë administratori i Velipojës Klodian Shyti.Sipas tij bashkia Shkodër këtë vit , ka bërë një punë të mirë sa i takon sistemimit, monitorimit të plazheve dhe respektimit të hapësirave publike të cilat ai thotë se qytetarët edhe pse mund ti shfytëzojnë pa pagesë, nuk i frekuentojnë në masë. Administratori Shyti pranon faktin se pronarët e Beach bareve kanë abuzuar me lëshimin e zërit të lartë të muzikës dhe sipas tij kjo gjë do më shumë kujdes.Plazhi i Velipojës është një zonë turistike mjaft e këndshme, me bukuritë dhe kontrastet natyrore që e bëjnë unike. Dikur, plot vlera kurative, ishte tokë e ndaluar edhe për vetë shkodranët, ndërsa sot, turistët vijnë këtu edhe nga vende krejt të largëta.
