Hapet për qarkullim Bërnjaku, Jarinja ende jo

Pas 10 ditësh e bllokuar, sot në mëngjes kalimi në Bërnjak është plotësisht i hapur për qarkullim.

Lajmin e ka konfirmuar për zvendëskomandanti i Policisë së Kosovës për rajonin e Veriut, Veton Elshani.

“Nga ora 8 e mëngjesit të sotëm, Bërnjaku është plotësisht i hapur, Jarinja  ende vazhdon të jetë e mbyllur, sepse është duke u kontrolluar terreni”, tha ai.

Kujtojmë se këto dy pika kalimi në veri, u mbyllën më 24 shtator, pas sulmit terrorist ku mbeti i vrarë rreshteri i Policisë së Kosovës, Afrim Bunjaku.