Kryetari i Aleancës për Ardhmërinë e Kosovës (AAK), Ramush Haradinaj, i ndodhur në një vizitë pune në SHBA ka zhvilluar një takim në Pentagon ku është pritur nga drejtori kryesor për Evropë dhe Politikat e NATO-s në Zyrën e Sekretarit të Mbrojtjes, Alton Buland.
Në një postim në rrjetet sociale, Haradinaj shkruan se gjatë takimit me Buland, ai falënderoi ushtrinë dhe qeverinë amerikane për 25 vite në mbështetje të popullit të Kosovës dhe institucioneve të saj, në veçanti në ndihmën që i kanë dhënë forcimit të Ushtrisë së Kosovës.
Gjithashtu gjatë takimit të zhvilluar, sikurse mësohet Haradinaj ka kërkuar që në rrafshin e bashkëpunimit Kosovë-SHBA të ngrihet dialogu strategjik për çështje bilaterale mes dy vendeve, në të njëjtën kohë të ndodh anëtarësimi i Kosovës në NATO.
“Gjatë takimit me z. Buland kërkova që në rrafshin e bashkëpunimit Kosovë-SHBA të ngrihet dialogu strategjik për çështje bilaterale mes dy vendeve, në të njëjtën kohë të ndodh anëtarësimi i Kosovës në NATO. Tash që jemi 25 vjet pas intervenimit të kësaj organizate të rëndësishme, ky do të ishte hapi i duhur i cili e ndihmon edhe sigurinë e brendshme, njëkohësisht stabilitetin dhe sigurinë rajonale,” shkruan kreu i AAK-së.
Sakaq ai ka garantuar se “Kosova dhe Ushtria e saj është gati të jetë anëtare në krah me Amerikën dhe shtetet tjera që janë pjesë përbërëse e Aleancës Veri-Atlantike të NATO-s”.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.