Hasan Riza Pasha dhe Shkodra, 39 dokumente të rralla ekspozohen nga Arkivat Shtetërore të Turqisë

Arkivat e Turqisë për periudhën osmane, kanë një fond prej 100 milion dokumentesh, të cilat digjitalizohen ditë pas dite. Mes tyre ka qindra dokumente që lidhen me Hasan Riza Pashën, rolin e tij në mbrojtjen e Shkodrës nga malazezët si dhe dokumente që tregojnë qytetin e asaj kohe. Në një ekspozitë të hapur në Shkodër, në vazhdën e aktiviteteve për marrëdhëniet Turqi- Shqipëri, janë ekspozuar 39 dokumente që kanë në fokus Hasan Riza Pashën dhe Shkodrën e 120 viteve më parë.

Hasan Riza Pasha është një nga personazhet me kontribute, të cilët bënë të mundur që Shkodra të mbesë brenda trojeve shqiptare, thotë turkologu Fatos Dibra.

Marrëdhëniet mes Turqisë dhe Shqipërisë janë të veçanta, të shtrira në kohë, të konsoliduara dhe të forcuara me kalimin e viteve.