Ministri i Jashtëm Igli Hasani ka kërkuar që rajoni i Ballkanit të ketë një zë më të fuqishëm dhe orientim të qartë euro-atlantik, në një kohë që aktorë si Rusia kërkojnë të destabilizojnë rajonin përmes akteve të ndryshme.
Nga Podgorica, ku po zhvillon një vizitë zyrtare në Malin e Zi, ministri Hasani mbështeti rolin e faktorit shqiptar në rajon i orientuar drejt parimeve demokratike dhe europiane.
“I kushtuam rëndësi rolit të shqiptarëve në Malin e Zi si një element përbashkues i shoqërisë sonë, në lidhje me minoritetin shqiptar që i ka dhënë Malit të Zi por edhe minoriteti malazez në Shqipëri. Faktori shqiptar kurdoherë ka qenë i prirur drejt parimeve demokratike dhe vlerave evropiane. Luftërat në Lindjen e Mesme dhe agresioni rus në Ukrainë kanë pasur ndikim në rajonin e Ballkanit ku ndodhet sot në nivelet me delikate. Shqipëria dënon vendet si Rusia që tenton të destabilizojë rajonin. Për Shqipërinë, Ballkani duhet të ketë një orientim të qartë euro-atlantik,” tha Hasani në një konferencë për mediat.
Pjesë e takimit me homologun malazez Filip Ivanoviq (Ivanović), ministri Hasani tha se ishte edhe forcimi i bashkëpunimit dhe fqinjësia e mirë mes dy vendeve.
“Të avancojmë bashkëpunimin dhe projekte e shumta mes nesh. Mali i Zi është për Shqipërinë një partner me një rëndësi të veçantë ku modeli është ai i fqinjësisë së mirë dhe Shqipëria e konsideron një aleat të pazëvendësueshëm në NATO dhe rrugën drejt integrimit europian dhe marrëdhëniet tona kanë shënuar një progres të madh. Dialogu politik ka ardhur duke u shtuar,” tha Hasani.
Zbatimi i marrëveshjeve mes Shqipërisë dhe Malit të Zi ishin gjithashtu në fokus të takimit. Hasani tha se do i shërbejë jo vetëm rritjes së bashkëpunimit, por edhe tregut ekonomik rajonal.
“Zbatimi i marrëveshjeve të firmosura mes dy qeverive së bëra së fundit janë të rëndësishme. Një nga projektet më të rëndësishme është ndërtimi urës mbi lumin Buna që do nxis zhvillimin e dy vendeve dhe do i shërbejë më mirë qarkullimit rajonal të mallrave. Edhe ndërtimi i Autostradës Adriatiko-Joniane është një nga prioritetet tona strategjike. Shqipëria tashmë është gati për Konferencën e dytë Ndërqeveritare,” u shpreh ministri Hasani.
Vizita në Malin e Zi është pjesë e turit në rajonin e Ballkanit, ku ministri i Jashtëm Igli Hasani e nisi më 16 janar nga Kosova dhe më pas në Maqedoninë e Veriut, ku i konsideroi shqiptarët si faktor stabiliteti.
Liceu Artistik “Jordan Misja” dhe Shkolla Koreografike në Tiranë kanë marrë ‘Statusin e Veçantë’ nga…
Presidenti Bajram Begaj dha sot një mesazh në Ditën Ndërkombëtare të Paqes. Duke iu referuar…
Arsimi profesional duket se është kthyer në një prioritet për qeverinë, teksa kryeministri Edi Rama,…
Këshilli Kombëtar i Sigurisë dhe Mbrojtjes në Ukrainë ndaloi përdorimin e aplikacionit të mesazheve Telegram…
Numërimi manual i votave është vendimi më i fundit në një sërë ndryshimesh të miratuara…
Shërbimi Sekret thotë se mundësia që pati një person i vetëm i armatosur që të…
This website uses cookies.